Citations sur e. desch.

Au soir diront qu'ilz sont breneulx, Chetis, recreanz et faillis, Quant ils sont d'aucuns assaillis, Eschars, merdeux, lasches et chiches

Bien pert son temps, son parler, sa saison, Qui me blasme mon doulx loyal amy

Onques ne vi plus grant ordure Que de mangier en ces plateaux De fustaille, où chascuns, com veaux, A sa barbe et sa main brouillie

Mais qu'uns hons soit bien vestus et forrés... On ly dira : sires, passez avant, Pour son habit. et c'est ce qui me tue

Femme n'est qui plus m'ait chier, Pour ce que mon corps est vain ; Bien sçay quant il doit negier Ou plouvoir, tout de certain

Que fait chanoine qui ricanne Comme nos asnes en moustier ? Certes je croy que tout se damne ; Chascun fait contre son mestier

Peuples s'esmuet, l'eglise est subournée ; Noblesce fauit, tant est mal ordonnée

Finirons nous de guerroier ? Tout est destruit en plaine et en costiere

Estez nourrist et croist selon raison Vignes et blez et tous biens de nature

À treize ans en royauté, En bail [tutelle] de ton parenté

Sain est mon corps, blanc sont mi crin

Prince, qui veut vivre en felicité, En l'amour Dieu, en honeur, en vaillance

Ceuls-ci tissent la sainte toile De religion et le voile

Hardi fu, moult de maulx souffri, De froit pain plusieurs fois manga

Seoir, veillier, avoir aux dez recours, Rebanqueter, c'est la vie des cours

.... Gens qui dissent verité Pour son honour et pour leur conscience, Sanz mal engin et sanz chetiveté

En ces flours a moult de delis [délices], De deduit, de joliveté ; Au mieulx venir n'ont qu'un esté

Sur les petiz [il] fist la restrinction [économie] Qui monte à pou ; vez ci large ignorance : Es grans cas chiet [tombe] la bonne pourvoiance ; Plus despent loup que brebis ne oustarde

Petis enfans fait doubteus [il est difficile] dotriner ; Car dotrine leur est trop haïneuse

Les truandes font les maqueleries En truandant, en portant leur cofin ; Et pour rober sont maintes fois espies

L'en cognoist bien le monton à la laine

Vicieuse non viciable

Se chevaulx à chasse marée Estiez, qui chascun jour sont las, S'estable aviez bien aprestée, Coucheriez vous à tout le bas [avec le bât] ?

Cyrop leur fault [aux enfants] ou lectuaire

Advisez vous, toutes gens de pratique, Marchans d'argent, exigeurs de finance ; Qui en estes devenus ydropiques, Purger vous fault, vivre par ordonnance