Citations sur meirent

Les satrapes se meirent à briguer et flatter les soudards

Ils luy meirent en main les Gaules, esperans qu'ilz butineroient entre eulx deux, quand ilz luy auroient procuré et fait decerner un tel gouvernement

Les autres meirent à l'entour de leurs testes des chapeaux de branches de chesne

Si meirent quelques brisées et enseignes sur les plus haultes croupes des rochers, et que l'on pouvoit choisir à l'oeil de plus loing

Les meurtriers arriverent, et, estant les portes du logis fermées, les meirent à force dedans

Ilz se meirent à regretter et deplorer ensemble leurs miseres et leurs malheurs ; en core avoient ils quelque debile esperance que leurs affaires n'estoient pas de tout point deplorez, tant comme Alcibiades seroit vivant

Ils n'ozerent plus s'arrester aux passages, où ilz avoient esté ordonnez, ains, abandonnant les destroits, se meirent à fouir vers leur grand camp

Les sergents faisans escarter la presse meirent la main sur luy pour l'emmener

Ils meirent plusieurs de leurs vaisseaux à fond

....Ce qui feit que les Chalcidiens se formaliserent fort affectueusement pour luy, et meirent leur ville entre ses mains

Ilz se meirent à fouiller les sepultures des roys de Macedoine qui y sont enterrez, et ravirent ce qu'ilz y trouverent d'or ou d'argent

Ilz se meirent à la voile pour s'enfuir, à quoi leur servit le vent qui se leva frais aussi tost qu'ilz eurent gaigné la haulte mer

Quand les Corinthiens eurent achevé de monter celle coste, ilz meirent leurs targes et pavois en terre pour reprendre un peu d'haleine

Tous ceulx qui par cas d'adventure se rencontrerent lors à Rome.... se meirent vouluntairement d'eux mesmes sous le lict où estoit le corps [de P. Emile], pour aider à le porter

Et ceulx là rompus et fuyans à val de roupte meirent en telle perplexité ceulx qui s'estoient ralliez ensemble pour aller au secours, qu'ilz ne sçavoient qu'ilz devoient faire

Ilz leur meirent au devant une teste de leurs hommes d'armes bardez et armez de toutes pieces, et espandirent leur chevaux legers çà et là à l'entour d'eulx

Ils se meirent tous à occuper les lieux qui plus leur aggreerent

Ses amis, estans au tour de son lict, se meirent à parler de sa vertu

Si firent une fosse dans laquelle ilz meirent des primices de toutes les choses dont les hommes usent legitimement comme bonnes, et naturellement comme necessaires

Se meirent aux champs et dedans un bois, pour eux detourner, tant qu'ils ne fussent ratteins ; et eurent cette nuit tant de pauvreté, que nul ne la pouroit penser ; car ils cheminerent plus de sept lieues, tout à pié, et si avoit gelé tellement qu'ils decirerent tous leurs piés

Et à Rouen se meirent sus deux cents personnes mecaniques, et viendrent à l'hostel d'un marchand de draps

Le seigneur de Cohan avait en abomination les pommes ; et pour ce le meirent en un grenier où il y en avoit à foison, pour le mettre à finance

Les ennemis meirent le feu aux flanques, et les bruslerent, de sorte que les dites pieces furent mises sur le ventre

Tout freschement, les Hongres les meirent [les chariots de guerre] très utilement en besongne contre les Turcs ; en chascun y ayant un rondelier et un mousquetaire....

Les Portugais pressants la ville de Tamly.... les habitants d'icelle porterent sur la muraille grand'quantité de ruches, de quoy ils sont riches ; et à tout du feu chasserent les abeilles si vifvement sur leurs ennemis qu'ils les meirent en route