Citations sur ch. d'orl.

Des vieilles defferres d'amours Je suis à present Dieu mercy ; Vieillesse me gouverne aussi

Il m'en chault bien poy [peu] ; Je demourray quoy [coi] En ma vieille peau

Nulle rien ne me rapportez Fors bona dies en latin, Vieille relique en vieil satin ; De telz presens vous deportez

....mon cueur endurera, En actendant d'avoir de celles Que bon eur lui apportera, Et de l'endormye beuvra

Jeune, gente, nompareille princesse, Puisque ne puis veoir vostre jeunesse, De m'escrire ne vous veuillez lasser

Levez ces cuevreschiefs plus hault, Qui trop cuevrent ces beaulx visaiges ; De riens ne servent telz ombraiges, Quant il ne fait hale, ne chault

Tant plus regarde, moins y voy, Et plus y voy, moins y congnois ; Le monde va de deux en trois, Sans savoir comment ne pourquoy

.... Certes j'endureray Au deplaisir des jaloux envieux, Et me tendray par semblance joyeulx

Aveugle suy, ne sçay où aler doye ; De mon baston, affin que ne forvoye, Je vais tastant mon chemin çà et là

Tant plain fu de merencolie Que je ne peuz à lui parler Une parolle ne demie, Et ne cessoye de plourer

Mais je treuve, le plus des mois [la plupart du temps], L'eaue de Fortune si quoye.... Que, s'avirons d'Espoir n'avoye, Souvent en chemin demourroye

Mon chier cousin, de bon cueur vous mercie, Des blancs connins que vous m'avez donnez

Et pour ce, sans faire repliques, Desploiez tout vostre panier

Ainsi surprins et agrapé

Gens qui cuident estre si sages, Qu'ils pensent plusieurs abestir, Si bien ne se sauront couvrir Qu'on n'aperçoive leurs courages

Il avoit mis six ducats en datif, Pour mieux avoir s'amie vocative

Après entrer je le voye En ung comptouer qu'il avoit

Doulx et beguin, de semblant rigoureux

Yver fait champs et arbres vieulx, Leurs barbes de neiges blanchir. Et est si froid, ort, pluvieux, Qu'emprès le feu convient croupir

Ce n'est qu'un restraintif d'amour

Car Dangier l'a desrobé de plaisir, Et, que pis est, a de lui eslongnée Celle qui plus le povoit enrichir

Amour respont : Beaulté, si saigement Avez parlé et raisonnablement, Que pardonner lui veuil la malveillance, Qu'ay eu vers luy ; car par oultrecuidance Me courrouça

Ainsi ma vie se compasse, Maleureuse, chetive et lasse, En paine et maulx dont trop recueil

Tout à part moy, en mon penser m'enclos, Et fais chasteaulx en Espaigne et en France ; Oultre les monts, forge mainte ordonnance ; Chascun jour, j'ay plus de mille propos

En tesmoing de ce, avons mis Nostre scel, plaqué et assis, En ceste presente quictance